Јувентус утре против Сасуоло ќе има шанса да ја зголеми предноста на 11 бода во однос на Наполи на табелата, откако избраниците на Карло Анчелоти денес ремизираа на гостувањето кај Фиорентина во мечот без голови.
Мрежите мируваа на „Артемио Франки“ и покрај тоа што двете екипи имаа бројни шанси, а најголемата не ја искористи Аркадиуш Милик во судиското надополнување, откако неговиот удар помина покрај голот на Лафон.
За Наполи ова е четврто реми по 23 натпревари во Серија А, па сега имаат 52 бода и цврсто стојат на второто место. Фиорентина пак, 11-ти пат сезонава одигура меч со нерешен резултат и имаат 20 бода помалку во однос на нивниот денешен противник.
