Босанскиот центар Јусуф Нуркиќ се врати на паркет во поразот на Портланд трејблејзерс против Сакраменто кингс во подготвителен меч од претсезоната во НБА, но иако даде само 4 поени, беше во центарот на вниманието.
Нуркиќ се појави со нова фризура и нова боја на косата, па американските новинари ги интересираше како дошол на идеја да го направи тоа и дали инспирација му бил Бил Волтон, кој имаше слична фризура пред 50-тина години, кога легендата играше за Портланд.
„Мојата баба имаше иста боја на косата. Пандемијата ги излудува луѓето, ми беше здодевно и сакав да пробам нешто“, изјави популарниот Јука.