Пјер-Емерик Обамејанг успеа со гол за Арсенал да го прослави историскиот настап во финале на ФА купот, бидејќи тој е првиот капитен на тим што бие битка за титулата, а потекнува од Африка.
Габонецот со капитенската лента ги предводи соиграчите против Челзи на „Вембли“ во походот по подобрување на рекордот на Топчиите, кои се најтрофеен тим со 13 пехари во националниот Куп на Англија.
Популарниот Оби успеа да погоди од белата точка, по пеналот што беше направен над него во 28. минута и израмни на 1:1.
https://twitter.com/Arsenal/status/1289609661574979584?s=20
Голот за израмнување на Арсенал предизвика вистински делириум кај навивачите на Топчиите, кои се собраа пред Вембли за да го следат финалето.
How Arsenal fans reacted to that Aubameyang pen at @BoxParkWembley pic.twitter.com/1w5z0NHPMz
— talkSPORT (@talkSPORT) August 1, 2020
Претходно Кристијан Пулишиќ во раната фаза на мечот за титулата успеа да погоди во петтата минута за водство на Челзи од 1:0.
Сините од Стемфорд Бриџ бијат битка за деветтиот пехар и ако успеат да победат ќе бидат осамени на третото место на вечната листа на победници во ФА купот со најмногу трофеи.
Прв е Арсенал со 13 титули, пред Манчестер јунајтед со 12, а Челзи и Тотенхем се зад водечкиот двоец со по 8 куп-круни во националниот Куп на Англија.
