Пјер Емерик Обамејанг со двата гола против Тотенхем се искачи на врвот на листата на стрелци во Премиер лигата за оваа сезона. Тој е првиот фудбалер кој постигнал 10 погодоци оваа сезона, а воедно стигна до 20-от гол во дресот на „топчиите“.
Уште поневеројатен е учинокот на Обамејанг што дури 16 од вкупните 20 гола ги постигнал во недела. Исто така, тој е напаѓачот со најдобар просек на голови според одиграни минути, Обамејанг постигнува гол за Арсенал на секои 103,5 минути.
Погодокот за 2-2 беше вистинско ремек-дело, додека првиот го постигна од белата точка против „петлите“.
https://www.youtube.com/watch?v=TH46oxs97Uw
