Дуелите од Лигата на шампионите одиграни вчера во второто коло дефинитивно беа најсреќни во Охрид. Два идентични тикети беа уплатени на уплатното место Охрид 5, а со 50 денари добивката е неверојатни 609.968 денари. Ако се знае дека се работи за два тикети од по 50 денари, тоа се вкупно вложени 100 денари, а добивката е безмалку 20.000 евра.
Неверојатна среќа беше потребна за тикетите да се добитни, а тоа се случи. Тактиката била на полувреме на сите четири одиграни мечеви да е нерешено, а на крајот домаќините да победат во мечеви на кои ќе има барем два гола, а максималната граница на дадени голови е пет.
ЧУДО ВО ЛИСАБОН, СПОРТИНГ ВО 90 И 90+3 ГИ ДАДЕ ДВАТА ПОТРЕБНИ ГОЛА
Спортинг дома против Тотенхем одигра интересен меч, а 0:0 беше сè до 90-тата минута. Кога се мислеше дека нема да има погодоци, домаќините дадоа два гола. Во 90-тата минута Паулињо погоди за 1:0, но за да биде добитна комбинацијата Х-1&2-3, мораше Спортинг да погоди уште еднаш.
Тоа се случи во 90+3 минута, кога Артур Гомес по една соло акција по вторпат го матираше гостинскиот голман за триумф од 2:0.
ЛИВЕРПУЛ ПОГОДИ ЗА РАДОСТ ВО 89-ТАТА МИНУТА, А БАЕР ДВАТА ГОЛА ГИ ДАДЕ ВО ПОСЛЕДНИТЕ ШЕСТ МИНУТИ
Обложувачот имаше многу среќа и уште на два меча, каде што погодоци беа постигнувани во финишот. Ливерпул и Ајакс играа 1:1 на полувреме, а домаќините до трите бода на „Енфилд роуд“ стигнаа со погодок во 89-тата минута.
Во Леверкузен, Баер и Атлетико играа без голови до 84-тата минута, кога домаќините го скршија отпорот на мадриѓани. Сепак, за да е добитна комбинацијата Х-1&2-4, мораше Фармацевтите да погодат уште еднаш, а тоа се случи во 87-мата минута.
Најмирно беше во дербито меѓу Баерн – Барселона, каде што откако немаше погодоци во првиот дел, Баварците на почетокот на второто полувреме погодија двапати и супер испадна комбинацијата од Х-1&2-5 гола.
Овие неверојатни тикети во Охрид се доказ дека нема дефиниција како може да се стигне до одлична добивка. Двата тикети се уплатени во растојание од само 40 секунди.
