Вереницата на Кристијано Роналдо, Георгина Родригес, откако пред четири години влезе во врска со славниот и супербогат фудбалер има сосема поинаков стил на живот од претходно, кога работеше како продавачка во бутик, сега и таа е „ѕвезда“, па затоа и не треба да чуди што неодамна на својот сакан му купи џип кој вреди 180.000 евра.
Според некои шпански медиуми, Роналдо на Георгина секој месец ѝ дава 50 до 100.000 евра за трошоци околу децата и за нејзини лични потреби, таа за интервју бара дури 100.000 евра, а од секоја објава на „Инстаграм“ во која има некаква реклама на бредови, инкасира по 8.000 евра.
Неодамна таа даде интервју за еден италијански медиум, што значи дека на сметката ѝ легнале 100 илјади евра. Но, далеку од тоа дека може да му парира на Португалецот. Роналдо заработува 239 илјади евра на ден, тука се вклучени платата од Јувентус, премиите и спонзорските договори.
