Машката сениорска репрезентација на Македонија ќе биде дел од групата „Б“ во Варна на Европското првенство 2026, откако еден од организаторите, Бугарија, го искористи правото и нѐ одбра за негови противници.
Ждрепката за противници ни ги донесе уште и Полска, Украина, Португалија и Израел.
Машкиот национален тим по четврти пат во низа ќе учествува на едно континентално натпреварување.
До почетокот на 34. Европско првенство 2026 во машка конкуренција остануваат 314 дена, а континенталниот собир ќе се одржи во Италија, Бугарија, Финска и Романија од деветти до 26-ти септември следната година.
