Извлекувањето на групите за Светското првенство за ракометари кое ќе се игра во јануари 2023 година во Полска и Шведска, ќе биде на 2 јули, а македонскиот национален тим е сместен во вториот шешир.
Ова е добра вест, бидејќи избегнуваме дуели со селекции како Катар, Хрватска, Белгија, Бразил, Португалија, Полска и Црна Гора. Сигурно е дека нема да играме ни против Франција и африканскиот првак.
Во првиот шешир се главните фаворити и најсилни репрезентации, а во третиот има микс од опасни како Србија и Унгарија, незгодни како Аргентина и Бахреин, до помалку квалитетни како Чиле, Саудиска Арабија и претставници на Африка.
