Навивачите на Борусија Дортмунд многу се израдуваа кога видоа како тренира капитенот Марко Ројс. Искусното 31-годишно крило цели четири месеци немаше играно, ниту тренирано со остатокот од тимот. Освен Ројс, закрепна и Ерлинг Халанд, кој излезе од игра на дербито против Баерн поради повреда на коленото и оттогаш беше во аут.
Рој го повреди мускулот на бутот на 4 февруари во Купот против Вердер и прескокна 12 меча. Можеби неговиот камбек е задоцнет за да може нешто да смени во битката за титулата во Бундеслигата, но за Дортмунд не е сеедно на кое место ќе финишира, иако пласманот во Лигата на шампионите не би требало да биде проблем.
В сабота Борусија гостува кај Фортуна во Дизелдорф и прерано е да се очекува да игра Ројс, а норвешкиот голгетер Халанд е поподготвен и можеби и ќе може да помогне.
