Искусниот голман Војчех Шчесни и официјално е промовиран во нов чувар на мрежата на Барселона. Шчесни пред само неколку месеци замина во фудбалска пензија, но сега, неочекувано повторно се враќа.
Последен пат искусниот 34-годишен полски голман бранеше за Јувентус, но откако стана јасно дека во новата сезона нема да биде прва опција за голот, реши да се пензионира.
Шчесни во Барселона доаѓа откако првиот голман марк Андре Тер Штеген се повреди и ќе паузира до крајот на сезоната.
Szczęsny is culer! 💙❤️ pic.twitter.com/B1S3RVBd2L
— FC Barcelona (@FCBarcelona) October 2, 2024
Шчесни кариерата ја започна како голман на Арсенал каде беше од 2009 до 2017 година. Во овој период, бранеше и за екипите на Брентфорд и Рома и тоа како позајмен од Арсенал. Во 2017 година Шчесни направи трансфер во Јувентус, каде бранеше на вкупно 252 натпревари. Овој искусен голман има и 84 настапи во репрезентацијата на Полска.
