Ракометниот клуб Вардар 1961 официјално потврди дека го договорил враќањето на Филип Талески.
Талески играше за Вардар пред да замине во Бенфика, во Португалија, каде што мина две сезони.
Филип е производ на школата на Металург, а со Вардар освои три шампионски титули и Куп на Македонија. Тој не беше дел од националниот тим на Македонија на последните две големи натпреварувања, но со враќањето дома и играњето поблиску до очите на селекторот Кирил Лазаров, кој ќе има подетален увид во неговата форма, можеби ќе добие прилика за камбек и во репрезентативниот дрес.
