Шпанската фудбалска федерација потврди дека Луис Енрике ќе биде селектор на „црвената фурија“ до крајот на Мундијалот во 2022 година. Ова значи дека стручњакот кој ја напушти репрезентацијата во време кога неговата ќерка беше тешко болна, а потоа и почина, се враќа во тимот и прв голем настан ќе му биде Европското првенство следната година.
Роберт Морено кој со солзи во очите им соопшти синоќа на фудбалерите дека веќе нема да ја води репрезентацијата, е отстранет и од стручниот штаб. Морено му беше помошник на Енрике, пред некогашниот фудбалер на Реал и Барселона да се повлече.
