Уште на првиот дел од отворањето на Копа Америка, домаќинот Бразил се соочува со големи проблеми. Милиони луѓе излегоа на улиците во сите поголеми градови и протестираа поради лошиот стандард и условите за живот. Според извештаите, протести имало во дури 188 градови во 27 бразилски држави, а на улиците излегле дури 45 милиони луѓе.
Најмногубројни беа работниците од нафтената индустрија, банкарството и дистрибуцијата, потоа просветата како и студентите. Во Сао Пауло и Рио де Жанеиро протестантите завземаа и поголем дел од главните улици, но полицијата сепак успеа да ја држи ситуацијата под контрола.
И додека низ цел Бразил има протести, претседателот Болсонаро беше на стадионот во Сао Пауло да ја бодри бразилската репрезентација во победата над Боливија од 3:0.
Ако е вака во првиот ден од Копа Америка, организаторот дефинитивно ќе има проблеми во текот на следните три недели.
