Имаше многу шпекулации дека Кристијано Роналдо може да се врати во Мадрид, и тоа како играч на Атлетико, но тоа беше демантирано, а фановите на Јорганџиите јасно покажаа дека не го сакаат Португалецот во својот тим.
Од шпанскиот тим потврдија дека за новата сезона го договорија Науел Молина од Удинезе. Молина е 23-годишен десен бек кој од пред една година е и дел од репрезентацијата на Аргентина.
За трансферот од Удинезе, Атлетико платил 20 милиони евра, од кои најверојатно 10 милиони ќе бидат платени веднаш, а останатите ќе бидат платени во периодот што следи.
Молина во 2020 година првпат дојде во Европа, и тоа со трансфер од Бока јуниорс во Удинезе. Во италијанскиот тим имаше две одлични сезони, па логично беше Аргентинецот да напредува. Негова следна станица е Атлетико, а договорот што го потпиша е на пет сезони.
🎙 Nahuel Molina
❝Having the chance to play here is a dream❞ pic.twitter.com/LsOer88B7B
— Atlético de Madrid (@atletienglish) July 28, 2022