Аргентинскиот тенисер Хуан Мартин дел Потро, се пофали дека се наоѓа на едно од најубавите места во областа Патагонија во неговата родна земја, и покажа храброст со тоа што на снежно време влезе во базен.
Пред еден месец, Дел Потро го повреди коленото и беше опериран, па нема да може да игра уште неколку месеци. Тој почна со рехабилитација, веќе оди самостојно, без патерици, а зимувањето (во Аргентина, како и секаде на јужната полутопка е зима) во еден луксузен хотел, 12-тиот на АТП листата го искористи за да влезе во надворешниот базен, иако времето беше студено и вееше снег.
