Дома Blog Страница 10542

Ако Ди Франческо добие отказ, и Мончи ќе ја напушти Рома

Томас Ѓорѓиевски
-
0

Тренерот на Рома, Еузебио ди Франческо, е под притисок од страна на раководството на клубот. На предводникот на „волчицата“ му се заканува отказ по слабиот старт на сезоната, а челниците на Рома сметаат дека токму Ди Франческо е најголем виновник.

Поразот од 2-0 на свој терен против Реал Мадрид во последниот меч од Лигата на шампионите создаде дополнителни проблеми за Ди Франческо, па наскоро Рома може да посегне по алтернатива со цел да се дојде до позитивни резултати.

Сепак, спортскиот директор Мончи најави дека и тој ќе си замине доколку Ди Франческо добие отказ, а неговото заминување може да направи уште поголеми проблеми. Рома може да остане без еден од најголемите „мозоци“ во фудбалот, човекот кој последниве две години направи големи реформи во екипата со огромен број нови аквизиции.

Рома викендов ја очекува дерби против Интер, а нов пораз може да значи и крај за италијанскиот стратег на клупата на тимот од „Олимпико“.

Романија го победи Косово и ја одложи промоцијата на Македонија

Златко Јуруковски
-
0

Победата на Романија над Косово од 88:83 значи дека и триумф на Македонија во недела, во Гевгелија против Косово, за „црвено-жолтите“ нема да значи дефинитивно освојување на првото место во групата од претквалификациите за Евробаскетот 2021.

Нашиот национален тим ќе мора да почека до февруари, кога гостуваме кај Романија, а Романците треба да играат во Косово, за потврда на првата позиција во групата и пласман меѓу 32-те најдобри во Европа кои ќе играат квалификации.

Натурализираниот романски плејмејкер, Џордан Вотсон, имаше мирна рака од линијата за слободни фрлања во финишот кога косовските кошаркари го фаулираа со надеж дека во пенал-завршницата може да направат чудо. Вотсон беше вистински лидер на Романците кои настапија без своите најдобри високи играчи Каце и Молдовеану. Американецот со романски пасош даде 19 поени и погоди 10 слободни фрлања од 10 обиди. Романците погодија дури 15 тројки.

Кај Косово, кој е наш гостин во недела, се истакнаа тројца играчи. Шоши даде 29, Бериша 24, а Гезим Морина 22 поени. Но, како да играа само тие тројца, другите немаа никаков придонес. Проблем за Косово е што не настапи нивниот натурализиран играч Армстед, кој најверојатно нема да игра ниту против Македонија.

Динамо ќе игра европски фудбал и во пролет, Рапид ја сврте против Спартак

Томас Ѓорѓиевски
-
0

Динамо Киев со минимални 1-0 славеше на гостувањето кај Астана во мечот од петтото коло во групната фаза во Лигата на Европа. Вербиќ во 29-тата минута му донесе водство на украинскиот вицешампион, што беше доволно за победа, а воедно и за влез во нокаут-рундата од ова натпреварување.

Динамо со триумфот го запиша 11-от бод, па како првопласирани од групата К ќе дочекаат Европска пролет. Астана остана на осум бода, а мечот кој се игра подоцна од оваа група, меѓу Јаблонец и Рен, може да го потврди учеството на казахстанскиот тим во следната рунда при евентуално реми.

Рапид Виена во финишот од средбата против Спартак Москва се избори за многу важни три бода. Гостите со конечни 2-1 триумфираа во Москва, иако до 80-тата минута беа во негатива од еден гол.

Токму во таа минута, Мулдур израмни на 1-1, а пресвртот го потврди Шобесбергер во 91-вата минута од мечот. Зе Луис претходно го реализираше погодокот за Спартак уште во 20-тата минута.

Рапид по овој меч се искачи на првото место во групата Г со седум бода, Спартак остана на пет бода. Од оваа група треба да се одигра дуелот меѓу Глазгов ренџерс и Вилјареал, меч по кој ќе се знае каков ќе биде пласманот пред последното коло.

Металург остана на една победа во СЕХА

Златко Јуруковски
-
0

Војводина го совлада Металург со 31:30 во натпревар од СЕХА-лигата. Македонскиот тим имаше контрола на резултатот во првото полувреме, но потоа ја испушти предноста и домашните го казнија релаксирањето.

Во 21-вата минута Металург водеше со убедливи 15-8, но финишот на првото полувреме им припадна на ракометарите на Војводина, кои на голем одмор заминаа само со два гола негатива (15-17). Во вториот дел домашните беа подобри, водеа во голем дел од полувремето, но не успеаја да се одлепат.

Во самиот финиш, Војводина погоди за 31-30 на 20 секунди до крајот, скопјани имаа напад за изедначување, но Маџоски не погоди. Шпенде со 7, Токиќ со 6 и Димитриоски со 5 гола беа најефикасни кај редовите на Металург. Голманите имаа само пет одбрани во салата „Слана бара“.

Металург остана на претпоследната позиција само со 4 бода во девет кола. И да победеше, немаше ништо да смени, но вака останува болката за испуштената шанса. Следен предизвик за тимот од Автокоманда е гостувањето кај словачки Татран Прешов во сабота, во меч од ЛШ.

Бугарија ќе се кандидира за домаќин на фудбалското ЕП 2032

Златко Јуруковски
-
0

Министерот за млади и спорт на Бугарија, Красен Кралев, објави дека Бугарија ќе се кандидира за домаќин на Европскиот шампионат во фудбал во 2032 година. Оваа вест доаѓа брзо по официјализирањето на заедничката кандидатура на Бугарија, Грција, Романија и Србија за Мундијалот во 2030 година.

„Ако си ја завршиме домашната задача, имаме шанси. Дури и да не успееме да го добиеме СП 2030, ќе бидеме уште поподготвени за да се кандидираме за Евро 2032. Ќе имаме подготвена инфраструктура, инвестициите ќе се оправдаат”, рече министерот Кралев.

Идејата на Бугарите е да изградат неколку стадиони со по 40.000 седишта. За потребите на СП, потребно е четирите земји кандидати да имаат минимум 16 стадиони кои ги исполнуваат сите барања на ФИФА. Во моментов има само еден таков објект, а тоа е стадионот во Букурешт, што значи дека Бугарите, Грците и Србите ќе треба сериозно да се фатат со работа и реновирање или изградба на стадиони, но тоа ќе важи и за Романците. И во Србија се најавува нов национален стадион во околината на Белград.

Шпанците сигурни: Ривер-Бока на деветти декември на „Сантијаго Бернабеу“!

Златко Јуруковски
-
0

Реваншот помеѓу Ривер плате и Бока јуниорс од финалето на Копа Либертадорес ќе се игра на деветти декември на „Сантијаго Бернабеу“ во Мадрид, со почеток во 20.30 часот. Ова е предлогот кој според шпанските медиуми, ќе биде прифатен од сите страни (клубовите, ФИФА, КОНМЕБОЛ, Шпанската фудбалска федерација и Реал Мадрид), а за да биде официјално, треба само уште дозвола од шпанската влада, поточно од Министерството за образование и спорт на таа земја.

Договорено е натпреварот да го суди шпански судија.

Најголемиот стадион во Мадрид е слободен тој викенд, бидејќи Реал Мадрид ќе гостува кај Уеска, па испадна дека тоа е поприфатлива варијанта, отколку другите опции како Доха, Мајами, Барселона или Асунсион, каде што ќе се играше без публика. На осми декември има еден меч во Мадрид, Атлетико го пречекува Алавес, па затоа договорено е да се игра во недела на деветти декември.

Ривер и Бока досега играле вкупно седум пати на славниот мадридски стадион. Таму се играле неколку големи финалиња, меѓу кои четири финалиња во Купот на европски шампиони или Лигата на шампионите, финалето на Светското првенство во 1982 година и на ЕП 1964 година.

Во Шпанија живеат 71.000 регистрирани Аргентинци, но веројатно бројката е поголема, па нема дилеми дека ќе биде жешко на трибините, иако мечот ќе се игра на 10 илјади километри од Буенос Аирес.

Џошуа до Фјури и Вајлдер: Ве чекам на 20-ти април на „Вембли“

Златко Јуруковски
-
0

Светскиот првак во бокс во тешка категорија кај професионалците, Ентони Џошуа, испрати јасна покана до Донте Вајлдер и Тајсон Фјури, кои во недела наутро, во Лос Анџелес ќе боксуваат за еден од нив да стане предизвикувач на Британецот. Досега непоразените Фјури и Вајлдер ќе водат битка за појасот во верзијата на ВБЦ, а Џошуа е шампион во сите други верзии.

„Сакам да кажам една работа, 30-ти април е денот, а ‘Вембли’ е стадионот. Јас сум повеќе од подготвен да се борам со кој било од нив двајца. Ако сакаат да си ги одмериме силите, добредојдени се. Во спротивно, нека не ме спомнуваат“, порача Џошуа.

Потоа Џошуа кажа во каква форма е во периодов кога нема никакви официјални борби.

„Гладен сум за успеси. Се стремам кон тоа постојано да бидам активен. За мене од исклучително значење е рехабилитацијата по секој меч, како и планирањето на секој нареден дуел. Секогаш треба да се биде добро подготвен, секоја борба е важна. Најважно ми е да бидам сконцентриран, избегнувам негативна енергија и да најдам баланс“, додаде Џошуа.

 

 

„Билјанини извори“ и „Чаир“ ќе добијат нови трибини

Златко Јуруковски
-
0

Фудбалската федерација на Македонија со поддршка од УЕФА и програмата за развој официјално доби дозвола за започнување на активности за реконструкција и изградба на трибини на стадионите „Чаир“ во Скопје и „Билјанини Извори“ во Охрид.

Средствата се одобрени по претходно поднесена апликација и идејни проекти за двата стадиони од страна на Федерацијата. Овие активности се дел од проектот на ФФМ за подобрување на инфраструктура во општините во Македонија.

Договорот за реконструкција и изградба на трибини на стадионот „Чаир“ во Скопје и стадионот „Билјанини Извори“ во Охрид ги регулира меѓусебните односи при изведување на работите меѓу ФФМ, општините и УЕФА.

„Во име на ФФМ сакам да порачам дека заедно со општините и УЕФА продолжуваме со заедничкото градење подобра иднина на македонскиот фудбал. Ова се крупни проекти од исклучително значење. Наша единствена цел со ваквиот тип на проекти е да овозможиме услови какви што заслужуваат тимовите, гледачите и репрезентацијата“, изјави в.д. претседателот на ФФМ, Мухамед Сејдини.

Триото на Ајнтрахт е поопасно од нападите на Јуве, Сити и Ливерпул

Златко Јуруковски
-
0

Во Европа, само Пари Сен Жермен има поефикасно трио од Ајнтрахт Франкфурт што се однесува до головите во домашното првенство. Ајнтрахт игра одлично и во Бундеслигата и во Лигата на Европа, каде што има четири победи во првите четири кола, а најголемата заслуга е кај ефикасните Лука Јовиќ, Себастијан Халер и Анте Ребиќ.

Тимот од Франкфурт веќе има обезбедено пласман во наредната фаза од Лигата на Европа, па вечерва против Олимпик Марсеј може послободно да му пристапи на мечот и повторно да одигра ефикасно.

Триото на Ајнтрахт има дадено 23 гола во германското првенство. Јовиќ и Халер имаат по 9, а Хрватот Ребиќ пет гола. Поефикасно трио во Европа има само ПСЖ (Мбапе, Нејмар и Кавани имаат 30 гола), а ист биланс како Ајнтрахт имаат и Меси, Суарес и Дембеле од Барселона.

Зад Ајнтрахт, се наоѓаат тријата од двете Борусии, Манчестер сити, Севилја, Селта, Наполи и Јувентус. Ливерпул со нападот Мане, Салах и Фирмино го нема во топ 10.

Де Хеа останува „ѓавол“ до 2020 година

Златко Јуруковски
-
0

Давид де Хеа останува на голот на Манчестер јунајтед најмалку до летото 2020 година. Всушност, станува збор за активирање на клаузулата за опцијата за продолжување на актуелниот договор за нови 12 месеци, а преговорите за нов долготраен договор се во тек. Де Хеа бара поголема плата од сегашната, а ова продолжување до 2020 е со цел да се спречи некој друг клуб да почне преговори или да го купи голманот веќе во јануари.

Де Хеа во септември 2015 година потпиша четиригодишен договор, со можност за продолжување и петта година. Овој 28-годишен шпански голман, кој во Јунајтед дојде во 2011 година од Атлетико Мадрид, завчера доби комплименти од тренерот Жозе Мурињо.
„Давид е голман од светска класа, најдобар голман на светот. Ако имаме амбиција да бидеме клуб кој ќе победува, треба да го имаме и најдобриот голман и некои други фудбалери кои се најдобри на светот на своите позиции“, рече Мурињо по победата над Јанг бојс во вторникот.
1...10.54110.54210.543...10.831Страна 10.542 од 10.831