Дома Blog Страница 10683

Меси најмногу пател во репрезентацијата на Аргентина

Трајан Маневски
-
0

Поранешниот селектор на Аргентина, Хорхе Сампаоли, реши да ги каже своите импресии од Светското првенство во Русија. Сампаоли ги предводеше „гаучосите“ до осминафиналето на Мундијалот, што претставува разочарување.

„Беше неверојатно искуство да се тренира Лионел Меси. Бев изненаден кога видов колку е тој фокусиран на тренинзите и колку е мотивиран. Меси многу пати кога ќе загуби неговата репрезентација. Никој не пати во репрезентацијата како Лионел Меси. Кога го имате најдобриот во светот, тоа е притисок дека мора да сте најдобри, а остатокот од екипата да биде на негово ниво“, вели Сампаоли.

Стратегот додава дека „гаучосите“ имаат потенцијал за да ја остварат големата желба – да бидат светски прваци.

„Мислам дека Аргентина може да биде светски првак во 2022 година, но тоа е долг процес“, потенцираше Сампаоли.

 

Го имаме новиот Чави: Хируршки прецизна асистенција преку девет играчи (видео)

Томас Ѓорѓиевски
-
0

Не е сѐ до головите, има убавина и во додавањата кои ги прават погодоците да изгледаат прекрасно. Деветнаесетгодишниот фудбалер на Сион, Бастиен Тома, викендов креираше гол со сензационално додавање. Тома очигледно гледал многу видеоснимки и учел од Чави, па против Ксамакс изведе асистенција преку девет противнички играчи, и тоа без да види каде е неговиот соиграч.

По неговото одлично проигрување, неговиот колега Лењани имаше лесна задача да ја смести топката во голот.

Фудбалери на Зенит и Краснодар нападнале руски функционер, им се заканува затворска казна (видео)

Томас Ѓорѓиевски
-
0

Напаѓачот на Зенит, Александр Кокорин, доби отказ од клубот по скандалот кој го направи во еден ресторан напаѓајќи руски функционер од Министерството за трговија. На фудбалерот сега му се заканува затворска казна од пет години, а во скандалот е вклучен и фудбалер на Краснодар, Павел Мамаев, кој ќе го снајде истата судбина како и неговиот колега од репрезентацијата, отказ од клубот и затворска казна.

Имено, тие го нападнале Денис Пак, кој ги замолил да се смират бидејќи тие биле прегласни во локалот, но наместо тоа, тие физички го нападнале употребувајќи и столица. Присутните во локалот упорно се обидувале да ја смират ситуацијата, но Кокорин бил решен да ја преземе одговорноста во свои раце.

Надлежни лица веднаш пристигнале на местото на настанот, а според информациите, и двајцата фудбалери биле под дејство на алкохол, што дополнително ќе придонесе во одлуката на каков начин ќе се казнат Кокорин и Мамаев.

https://www.youtube.com/watch?v=7j7dV3aK0B8

Киево го отпушти Д‘Ана, на негово место доаѓа поранешен селектор на Италија

Томас Ѓорѓиевски
-
0

Киево официјално ја прекина соработката со тренерот Лоренцо Д‘Ана, по катастрофалниот старт на сезоната во Серија А. Поранешниот селекторот на „аѕурите“,  Џампјеро Вентура, по сите изгледи, ќе ја преземе функцијата тренер на првиот тимот.

„Летечките магариња“ сезонава сѐ уште немаат остварено победа во италијанскиот шампионат, исто како и Фрозиноне, и натаму имаат -1 бод откако им беа одземени три бода на почетокот од сезоната поради финансиски нерегуларности.

Вентура прифатил да биде тренер до крајот на сезоната, а во зависност од исходот на неговата работа, ќе се одлучи дали ќе потпише и повеќегодишен договор со калчолигашот, најавуваат италијанските медиуми.

 

Светскиот вицепрвак има големи проблеми пред мечот со Англија

Трајан Маневски
-
0

Хрватска ја победи Англија во полуфиналето на Светското првенство во Русија, а сега овие две селекции се во истата група во Лигата на нациите. „Коцкестите“ доживеаа дебакл во дебито од новото натпреварување на УЕФА, откако со 6-0 загубија на гости кај Шпанија. Доколку сега на свој терен не успеат да ја победат Англија, ќе може да се збогуваат од трката за првото место во групата.

Селекторот Златко Далиќ има големи проблеми околу составот. Дури петмина играчи кои беа повикани во составот, отпаднаа поради разни повреди. Репрезентацијата денеска ќе одигра пријателски меч со третолигашот Бјеловар, по повод 110 години од постоењето на клубот.

За Хрватска ќе биде вистински предизвик повторно да го победи „Гордиот Албион“ на дуелот кој ќе се игра во петок.

 

Спировски и Алиоски едногласно: Цела Македонија сака победа над Лихтенштајн

Томас Ѓорѓиевски
-
0

Македониската сениорска фудбалска репрезентација во полн состав се подготвува за следниот циклус од Лигата на нациите. Во сабота, 13-ти октомври, на националната арена „Филип Втори“, „црвено-жолтите“ ќе ја пречекаат селекцијата на Лихтејнштајн, кој ќе биде трет меч на нашата репрезентација во ова натпреварување.

Од сениорите се очекува да продолжат во победнички ритам, а Спировски и Алиовски велат дека тоа го посакува цела Македонија.

„Имаме две победи на стартот од Лигата на нациите, но ништо не е готово. Нѐ радува тоа што се наоѓаме во добра форма, имаме одлични фудбалери и сега нѐ очекува Лихтенштајн. Мора да го добиеме овој меч. Но, повторно велам дека ништо не е готово. И нема да е толку лесно, затоа што во фудбалот сѐ е можно. Но, ние сме поквалитетни, ни се вратија Хасани и Адеми. Треба да имаме концентрација како на последните мечеви. Ако играме така, сигурно ќе победиме“, истакна Алиоски.

„Очекувањата против Лихтенштајн се победа. Цела Македонија го очекува тоа. Имаме четири дена до мечот, доволно време да се подготвиме. Целосно сме фокусирани на првиот меч за нас, а потоа ќе мислиме на Ерменија. Имаме шест бода на првите два меча. Сакаме да бидеме први во групата“, изјави Спировски.

Натпреварот меѓу Македонија и Лихтенштајн се игра на 13-ти октомври, во 20.45 часот, на „Филип Втори“, а билетите се пуштени во продажба по цена од 150 за северната и 100 денари за јужната трибина.

 

Koга не играат главните, за типување тука се нисколигашите во Англија

Томас Ѓорѓиевски
-
0
Koга не играат главните, за типување тука се нисколигашите во Англија

Репрезентативната пауза, односно чекањето да се одиграат натпревари меѓу националните селекции, не треба да биде препрека за типувачите кои се надеваат на добивки и во ваков „сиромашен“ вторник. Послабите англиски лиги секогаш се подготвени за да играат фудбал, а денес издвоивме неколку предлози од Чекатрејд трофеј купот, во којшто играат тимови од пониските лиги.

Бристол роверс – Јеовил (20.45 часот)

Бристол сака да ја искористи негативната серија на денешните гости, но исто така ќе сака да ја прекине својата серија од три меча без триумф. Овие две екипи ретко се среќаваат во последниве неколку години, особено што Бристол е во Третата англиска лига, додека Јеовил игра во лига пониска за еден ранг, па оваа средба во Купот ќе им користи за мерење на силите.

Предлог тип: 1 & 2-4 (2.60 квота)

 

Koвентри  – Форест грин (20.45 часот)

На Ковентри добро ќе му дојде натпревар надвор од Третата лига, бидејќи таму не се снаоѓаат најдобро. Мечот против Форест грин ќе им послужи за креирање победничка серија, откако го изненадија Чарлтон во претходното коло во Лига 1 на Англија. Исто така, Ковентри ќе сака да се одмазди за последните два порази од Форест грин, кои гостите ги остварија минатата сезона во Лига 2.

Предлог тип: 1 (2 квота)

 

Лутон – МК Донс (20:45)

Лутон веќе пет меча не знае за пораз, а фудбалерите ќе сакаат така и да остане, особено што денес се фаворити против Милтон кеј. Според последните неколку натпревари на овие две екипи, едно е сигурно, голови нема да недостасуваат бидејќи се голгетерски расположени.

Предлог тип: 1+I & 2+II (2.50 квота)

 

Оксфорд јунајтед – Нортхемптон (20.45 часот)

И оваа средба е дуел меѓу третолигаш и четвртолигаш во кој се очекува победа на домаќинот. Меѓутоа, и двете екипи ќе настапат со комбинирани состави, со оглед на распоредот според кој играат мечеви на секои три дена. Оксфорд нема остварено триумф над Нортхемптон од 2014 година, па денес ќе има посебен мотив за победа.

Предлог тип: 1 & 0-3 (2.40 квота)

 

Сандерленд – Карсли (20:45 часот)

Сандерленд најде лига каде што ќе биде еден од подобрите тимови, а тоа сака да го докаже и во овој Куп. Од почетокот на оваа сезона, има само еден домашен пораз, и тоа од Шефилд вензди во Карабао купот, но Карсли е многу послаб противник и од „црните мачки“ се очекува да ја оправдаат фаворитската улога.

Предлог тип: 1 & 2-4 (2.50 квота)

Во Реал има кланови, се знае кои играчи сакаат отказ на тренерот

Трајан Маневски
-
0

Реал Мадрид веќе четири меча не може да даде гол, а не пак да помисли да се израдува на победа. Поразите од Севилја, Алавес и ремито против Атлетико Мадрид во Примера дивисион, како и неуспехот во Москва против ЦСКА (пораз од 1-0) во Лигата на шампионите, доведоа тензија во клубот.

Хулен Лопетеги летово седна на клупата на тимот од „Сантијаго Бернабеу“, но не се снајде најдобро. Реал е далеку од ланската игра. Факт е дека го нема Кристијано Роналдо, но зачудувачки е како гигант како Реал не може да даде гол повеќе од 400 минути.

Лошите резултати создадоа и лоша атмосфера, а играчите се поделиле во два табора. Едниот клан сакаат Лопетеги да добие отказ, додека другите застанале во заштита на тренерот. Најдобриот фудбалер во светот според ФИФА, Лука Модриќ, е предводник на играчите кои сакаат Лопетеги да добие отказ. Веднаш до Модриќ е и Бразилецот Марсело. Ним им пречи тоа што Лопетеги често експериментира со составот, па се случува дури и Модриќ да биде на клупата за резерви.

Од другата страна, како поддржувачи на Лопетеги се капитенот Серхио Рамос, Тони Крос со уште неколку играчи. По поразот од Алавес, Рамос јавно излезе и рече дека тренерот има целосна поддршка. Следниот меч од првенството Реал ќе го игра на свој терен, против Леванте на нашиот репрезентативец Енис Барди.

 

Цела Англија во „војна“ за тинејџерот на Борусија Дортмунд

Томас Ѓорѓиевски
-
0

Борусија Дортмунд во своите редови има вистински фудбалски „бисер“. Младиот крилен офанзивец Џејдон Санчо го привчеле вниманието на топ 6 екипите од Премиер лигата со своите настапи во жолто-црниот дрес оваа сезона, а Дортмунд во него го пронајде новиот Усман Дембеле, од кого во иднина „дебело“ ќе заработат.

Имено, Ливерпул, Арсенал, Сити, Јунајтед, Челзи и Тотенхем, сите се интересираат за услугите на овој млад англиски фудбалер, кој пред извесно време потпиша нов договор со бундеслигашот. Од таборот на германскиот клуб се свесни дека со текот на времето ќе мора да го продадат овој играч, но за разделба ќе бараат најмалку 100 милиони евра оштета. Санчо беше цел на овие гиганти и пред да се пресели во редовите на Дортмунд, откако лани ја напушти академијата на Манчестер сити.

Иако има само 18 години, Санчо од почетокот на оваа сезона се наметна во првиот тим, добива сѐ повеќе шанса од тренерот Февр, а тој возврати со седум асистенции и еден гол на мечевите кои ги одигра во Бундеслигата, каде што сега е најдобар местач на голови во германскиот шампионат.

Голот на сезоната падна во Ирска (видео)

Томас Ѓорѓиевски
-
0

Уште е рано да се одреди кој гол ќе биде најубав во новата сезона, но веќе има еден сериозен кандидат за оваа награда. Фудбалерот на Бохемијанс, Ијан Морис, вчера ја зачуди публиката на стадионот „Тарнерс крос“ откако погоди речиси од 40 метри далечина.

Фудбалерот толку силно ја шутна топката, неговите соиграчи тргнаа да изведуваат корнер пред судијата да потври дека е гол. Дури ни коментаторите не беа сигурни дали топката влезе во голот.

Иако гостите го загубија мечот против Корк сити со 2-1, средбата ќе се памети по овој прекрасен погодок.

1...10.68210.68310.684...10.787Страна 10.683 од 10.787