3723 Беневенто – Козенца (12.30 часот) Беневенто е фаворит на овој дуел, а покрај триумфот типуваме дека на мечот ќе има од два до пет гола. Предлог тип: 1 & 2-5 (1.98)
1317 Еибар – Лас Палмас (14 часот) Ова се екипи кои играат затворен фудбал, а мечот може да го реши и еден погодок. Наш тип е дека Еибар нема да загуби и дека ќе бидат постигнати најмногу два гола. Предлог тип: 1X & 0-2 (1.93)
3684 Виченца – Унион Бреша (14.30 часот) Виченца игра многу подобро на домашен терен, и оттаму се решивме да одиграме „кец“ на оваа пресметка. Предлог тип: 1 (2.04)
3725 Кротоне – Черињола (14.30 часот) Кротоне важи за умерен фаворит, а претпоставката е и дека нема да има голеада на овој дуел. Предлог тип: 1 & 0-4 (1.91)
1320 Алмерија – Реал Сосиедад (Б) (21 часот) Алмерија е поблиску до триумф, наш предлог е дека домаќинот ќе постигне и најмалку два гола на натпреварот. Предлог тип: 1 & T1 2+ (1.81)
Македонскиот претставник ГРК Охрид денеска (16 часот) во Атина го игра првиот натпревар од четврфиналето на Купот на ЕХФ против Олимпијакос. Овој дуел треба да даде одговор која екипа ќе биде поблиску до полуфиналето, со оглед дека реваншот се игра во Охрид на 4 април.
„Нѐ очекува тежок натпревар против Олимпијакос. Добро работевме изминатата седмица и подготвени сме за овој дуел. Ќе дадеме сѐ од себе за да оствариме што е можно подобар резултат пред реваншот во Охрид“, изјави Џанфранко Прибетиќ.
Македонскиот тим наиде и на лош прием од Грците, со оглед дека официјалниот тренинг го одржа во затворен балон, наместо во салата каде што ќе се игра денешниот дуел. п Пред мечот, Охрид се договори со Олимпијакос, на барање на ЕХФ да нема гостински навивачи. Првиот меч се игра денеска во Атина во салата „Илиуполи“ од 16:00 часот, додека реваншот е во СРЦ „Билјанини Извори“ на 4 април од 18:00 часот.
Реал Мадрид добива сериозно засилување пред клучниот дел од сезоната, откако Едер Милитао конечно се враќа во строј.
Бразилскиот дефанзивец, кој беше надвор од терените од почетокот на декември поради тешка повреда, веќе одработи три последовни целосни тренинзи и ќе му биде на располагање на стручниот штаб за натпреварот против Мајорка на 4 април.
Милитао се рехабилитираше од сериозна повреда, скинати мускулни влакна на бутниот мускулна левата нога, со зафатен проксимален припој на тетивата, но очигледно успешно ја завршил фазата на опоравување.
Неговото враќање доаѓа во вистински момент, бидејќи веднаш по дуелот со Мајорка, Кралевите ги очекува првиот четвртфинален судир во Лига на шампиони против Баерн Минхен.
Со оглед на лошите изданија на одбраната во изминатиот период, присуството на Милитао може да биде клучно оружје за Реал Мадрид во борбата за трофеи.
Денешните Квоти на денот се навистина примамливи, а петте предлози заедно нудат фантастичен коефициент од 55,32.
Еибар го пречекува Лас Палмас и ако не загуби, а на мечот бидат постигнати од два до четири гола, квотата на денот е 2.30.
Виченца се среќава со Бреша и ако слави триумф, а во второто полувреме биде постигнат најмалку еден гол, квотата на денот е 2.55.
Женскиот тим на Јувентус е домаќин на фудбалерките на Фиорентина и ако не загуби, а во второто полувреме бидат постигнати повеќе голови, квотата на денот е 2.25.
Сарагоса игра против Сантандер, и квотата на денот е 2.15 ако во двете полувремиња бидат постигнати од еден до три гола.
Колумбија и Франција ќе одиграат пријателски меч, а квотата на денот е 1.95 доколку Триколорите не загубат и во двете полувремиња биде постигнат најмалку по еден погодок.
Големата награда на Јапонија донесе големо возбудување за време на трката во Формула 1, но победникот беше ист како и на трката во Кина, Кими Антонели.
Италијанецот, исто како пред две недели, запиша нова победа во Формула 1.
Иако загуби позиции на стартот, исто како и неговиот тимски колега Џорџ Расел, Кими имаше среќа при појавата на безбедносниот автомобил и успеа да се врати на врвот.
Од моментот кога се врати на врвот, Антонели ја презеде доминацијата и создаде голема предност пред второпласираниот Оскар Пјастри.
Пјастри, кој претходно не возеше ниту еден круг на првите два викенди, денеска имаше фантастичен настап и заврши на второто место, како единствен возач што не направи ниту една грешка.
На третото место заврши Шарл Леклер.
Четвртото место, разочарувачко за амбициозниот кандидат за титулата, го зазеде Џорџ Расел, кој направи премногу грешки.
На петтото место заврши актуелниот шампион Ландо Норис, а зад него се пласираше вториот возач на Ферари и седумкратниот шампион, Луис Хамилтон.
Пјер Гасли заврши на седмото место, додека Макс Ферстапен трката ја заврши на осмото место.
Лиам Лосон финишираше на деветтата позиција, а последниот бод го освои Естебан Окон.
Кошаркарот на Лос Анџелес лејкерс, Лука Дончиќ, е суспендиран откако ја заработи својата 16-та техничка грешка сезонава. Според правилата на НБА лигата, тоа автоматски значи суспензија од еден натпревар.
Словенецот ќе го пропушти следниот меч на неговиот тим против Вашингтон визардс, а ќе се врати во составот за дуелот со Кливленд кавалирс.
Дончиќ последната техничка грешка ја доби на натпреварот против Бруклин нетс, во кој постигна 41 поен. Иако претходно лигата еднаш му ја поништи 16-тата техничка грешка, овојпат тоа не се случи, па Дончиќ ќе мора да паузира против Визардс.
Инаку, Дончиќ е лидер во НБА лигата по бројот на технички грешки оваа сезона. Ист број има само Дилон Брукс од Феникс санс, додека на делба на второто место со по 12 технички се Дрејмонд Грин од Голден Стејт вориорс и Ајзеа Стјуарт од Бостон селтикс.
Една помалку има Џејлен Браун, исто така од Бостон.
Во ноќта меѓу саботата и неделата, кошаркарите на Детроит пистонс славеа над Минесота тимбервулвс на гости со 109-87.
Со овој пораз, Минесота заостанува две победи зад Денвер нагетс, со натпревар помалку, во битката за четвртото место на Западот пред плејофот.
Двете екипи настапија ослабени поради отсуството на клучните играчи, пред сè Кејд Канингем кај едната, односно Ентони Едвардс кај другата страна.
Сепак, малкумина очекуваа дека гостите од Детроит ќе ги декласираат Волците со дури 22 поени разлика, оставајќи ги без никаква надеж во текот на целиот натпревар.
Најзаслужен за убедливата победа беше Тобајас Харис со 18 поени, како и по четири скока и асистенции. Рон Холанд и Џенкинс постигнаа по 13 поени, додека Џејлен Дјурен забележа дабл-дабл со 10 поени, 13 скока и пет асистенции.
Кај поразените, Донте Дивинченцо постигна 22 поени, додека Руди Гобер додаде 14 поени и 12 скока.
Маж загинал вчера на новообновениот стадион „Банорте“ во Мексико сити, откако паднал од ложата непосредно пред натпреварот по повод повторното отворање на објектот, соопштија безбедносните служби. Трагедијата се случила на стадионот попознат по неговото старо име „Ацтека“, каде што се одигра пријателски натпревар меѓу фудбалските репрезентации на Мексико и на Португалија, пренесува „Ројтерс“.
Натпреварот послужил како тест за стадионот по завршувањето на градежните работи, кои биле забрзано финализирани за да се испочитува рокот во саботата. На овој стадион, каде што на 11 јуни е закажана церемонијата на отворање на Светско првенство во фудбал 2026, ќе се играат натпревари од третото светско првенство, по што е единствен во светот.
Според информациите од властите, починатиот маж бил под дејство на алкохол. Тој се обидел да прескокне од ложа на второто ниво на онаа на првото, притоа качувајќи се по надворешниот дел од конструкцијата, по што паднал на приземјето.
Пријателскиот натпревар меѓу Мексико и Португалија заврши без голови, 0-0.
Арина Сабаленка успеа да ги освои двата последовни мартовски турнири на тврда подлога во Индијан Велс и Мајами.
Првата тенисерка на светот во три сета ја совлада Американката Коко Гоф, која инаку е четврта на ВТА листата, со 2-1 во сетови (6-2, 4-6, 6-3).
Ова беше нивни 13-ти меѓусебен дуел, а тенисерката од Белорусија има една победа повеќе, односно води со 7-6 во вкупниот скор.
Првиот сет помина во целосна доминација на Сабаленка, која за само 38 минути поведе во сетови. Белорусинката уште на стартот направи брејк, кој сигурно го зачува до седмиот гејм, кога направи уште еден за убедливи 6-2 во првиот сет.
Во вториот сет гледавме далеку поквалитетен тенис, пред сè од Гоф, за која ова беше прво финале на Мастерсот во Мајами. Се играше гем за гем, а се чинеше дека Гоф стои подобро на теренот, но не успеа да искористи три брејк-топки, во вториот, петтиот и седмиот гем.
Сепак, четвртата шанса ја искористи во најдобар можен момент, во десеттиот гем, за да го добие вториот сет со 6-4.
Во третиот, решавачки сет, Сабаленка тргна силно, што веднаш резултираше со брејк. Во продолжение го задржа својот сервис и на крајот со 6-3 сосема заслужено го освои Мастерсот во Мајами.
Младиот напаѓач на Партизан, Андреј Костиќ, прави трансфер во Милан, открија српските медиуми. Тој веќе се наоѓа во Италија и, според најавите, утре ќе ги помине задолжителните медицински прегледи, по што ќе стави потпис на договор со Росонерите.
Костиќ подолг период беше на радарот на повеќе европски клубови, но Милан беше најконкретен и успеа да ја добие трката за неговиот потпис.
Планот на италијанскиот гигант е јасен, напаѓачот најпрво ќе биде приклучен кон вториот тим, но се очекува брзо да добие шанса и во составот на Масимилијано Алегри.
Од овој трансфер, Партизан со сите вклучени бонуси ќе инкасира околу 7,5 милиони евра, што е значителна заработка ако се знае дека клубот минатото лето го доведе Костиќ од Будуќност за 900.000 евра.
Костиќ зад себе има солидна сезона со 11 голови на 34 натпревари, а веќе запиша и два настапи за сениорската репрезентација на Црна Гора. Станува збор за класичен централен напаѓач, кој по потреба може да дејствува и по левата страна во офанзивата.
Ние користиме колачиња за да се погрижиме да ви го дадеме најдоброто искуство на нашата интернет-страница. Ако продолжите да ја користите оваа страница, ќе претпоставиме дека сте задоволни со неа.
