Без наслов - Страница 9909

Ќе ни пристигне опасна Легија на странци – Косово игра со 11 интернационалци во составот

Зоран Поповски

-

20.11.2018

Косово е во подем, игра одличен фудбал, а вечерва против Азербејџан, кого го растури со 4-0, играше со 11 интернационалци во првиот состав.

Македонија мора да внимава иако е фаворит во полуфиналниот меч во март 2020 година, веројатно во Скопје.

На гости ќе ни дојде вистинска Легија на странци, а Косово има играчи кои настапуваат во познати клубови.

Меѓу нив најпознато име е Валон Бериша, кој имаше можност да игра за Австрија, но го одбра Косово. Беше член на Салцбург и играше одлично за австрискиот првак во ланското издание на Лигата на Европа, кога тимот играше полуфинале и за влакно не успеа да се пласира и во финалето.

По добрите игри во Салцбург, Лацио успеа да ја добие трката за ангажман на Бериша, кој сега е член на калчолигашот од Рим.

Тука се и Аријанет Муриќ, кој е голман на Манчестер сити, потоа и тројниот стрелец против Азербејџан, Зејнели од Херенвен, тандемот од Цирих, Круезиу и Колољи, Рашица од Вердер Бремен и уште неколку искусни и добри фудбалери од познати клубови.

И за сè да биде во знакот на „странците“, селектор на Косово е Швајцарецот Бернард Шаландес.

Шведска ја победи Русија и ќе игра во Сегментот А, Србија и Шкотска се промовираа во повисок ранг во Лигата на нациите

Зоран Поповски

-

20.11.2018

0

Шведска продолжи со одлични игри и во Лигата на нациите по успешниот настап на Мундијалот и со победата против Русија. Вечерва во Стокхолм со 2-0 се пласира во Сегментот А и ќе игра полуфинале за пласман на Европското првенство во 2020 година.

Линделоф и Берг со по еден погодок ги разрешија сите дилеми, а Шведска за влакно ја претрка Русија. При израмнет скор со по 7 бодови, Швеѓаните имаат подобар меѓусебен биланс со победа и реми против Русија и се патници во највисокиот ранг на натпревари во Лигата на нациите.

И ќе играат и полуфинале заедно со БиХ, Украина и Данска за пласман на ЕП 2020 година.

Во повисок ранг, однонсо во Сегментот Б ќе играат и Србија, по победата против Литванија вечерва во Белград со 4-1, и Шкотска, по триумфот со 3-2 над Израел.

Во полуфиналето за настап на ЕП 2020 година на овие две селекции ќе им се приклучат и Норвешка и Финска.

Во меч без резултатско значење, Португалија и Полска ремизираа 1-1, а Португалците се полуфиналисти и им се приклучија на Англичаните, на Холанѓаните и на Швајцарците во полуфиналето и во битката за првиот трофеј во Лигата на нациите.

Македонија домаќин на ЕП за јуниорки

Кошарка

Златко Јуруковски

-

20.11.2018

0

Македонската кошаркарска федерација повторно ја доби довербата на ФИБА за организација на Европско првенство Дивизија Б во младинските категории. Идната година во Скопје ќе се игра ЕП од дивизија Б за кошаркарки до 18 години.

На Централниот борд на ФИБА во Вилнус, нашата Федерација ја доби довербата, а летото 2019 ќе имаме претставници во селекциите до 16 години (машки и женски), до 18 години (машки и женски), како и машката младинска селекција до 20 години за учество на Европските првенства во соодветните дивизии.

И покрај зголемените критериуми во последните неколку години, МКФ редовно е организатор на шампионати, веќе има повеќегодишно искуство и затоа од 5-ти до 14-ти јули следната година ќе биде домаќин на повеќе од 20 репрезентации од Европа.

Дали против Косово ќе играме во Скопје или во Струмица?

Трајан Маневски

-

20.11.2018

0

Македонската фудбалска репрезентација против соседот Косово ќе игра во полуфиналето од Лигата на нациите во обид да стигне до завршницата на Европското првенство во 2020 година. Иако има уште една и пол година до овој меч, кој е на програмата во март 2020 година, уште од сега е јасно дека Фудбалската федерација на Македонија ќе биде на големи маки каде да се игра.

Кога се работи за дуел кој е најважен во фудбалската историја, многу логично е тоа да биде спектакл на најголемиот стадион „Филип Втори“ во Скопје. Сепак, фактот дека Косово е ривалот, може да направи промени во распоредот, па тој меч да се одигра во Струмица.

Последните два меча против Албанија ги игравме во Струмица и немаше никакви проблеми. Сепак, на „Младост“ во Струмица пред една година имаше само 3.500 гледачи во ремито 1-1 на Македонија и Албанија. Доколку се игра во Скопје, може да има и 10 пати повеќе гледачи, но тоа ќе значи дека и гостинскиот тим ќе има можност за многу повеќе свои симпатизери, кои поради близината на двете земји, дефинитивно ќе сакаат да дојдат и да ја бодрат својата репрезентација.

Македонија дури и да сака да игра во Струмица, ќе мора да коригира некои недостатоци на тој терен, бидејќи на последната контрола УЕФА имаше забелешки. До дуелот Македонија – Косово има уште многу време, доволно за ФФМ да направи одлична организација и нашите момци да имаат голема поддршка во обид да стигнат до ЕП 2020.

Ќе има спектакл – Косово е противник на Македонија во полуфиналето во Лигата на нациите

Зоран Поповски

-

20.11.2018

0

Ќе има спектакл со многу емоции и интензитет во полуфиналето во Сегментот Д од Лигата на нациите, а противник на Македонија ќе биде Косово.

Предност за Македонија е што се игра еден меч во март 2020 година и ќе бидеме домаќини, најверојатно во Скопје, на националната арена „Филип Втори“.

Косово вечерва го декласира Азербејџан со 4-0 во Приштина и го освои првото место во третата група од Сегментот Д. Успеа да ја претрка Белорусија и таа е треторангираниот победник во четирите групи, па ќе ѝ гостува на Македонија, која е подобра од нив по фазата по групи и го има бројот два, зад Грузијците.

Во второто полуфинале Грузија ќе ѝ биде домаќин на Белорусија, што доведе до интересен развој на настаните и две полуфиналиња меѓу селекции од поранешна Југославија и од екс СССР.

Победниците од полуфиналните дуели во Скопје и во Тбилиси ќе играат меѓусебе во финале, на неутрален терен, за победа која гарантира пласман на Европското првенство во 2020 година.

Сериозен удар за ПСЖ – Во ист ден се повредија Нејмар и Мбапе

Зоран Поповски

-

20.11.2018

0

Сериозен удар за амбициите на Пари Сен Жермен се повредите на двајцата офанзивци Нејмар и Килијан Мбапе во ист ден, вечерва, на пријателските дуели на нивните репрезентации.

Нејмар се повреди во осмата минута и веднаш беше заменет во селекцијата на Бразил со Ришарлисон. Кариоките играат со Камерун пријателски меч, а нивниот ас ги повреди препоните.

Мбапе имаше проблем со рамото и беше заменет во 36-тата минута на пријателскиот дуел меѓу Франција и Уругвај, а најголем проблем сега има ПСЖ.

Џеј Ар Смит во свој стил: Изгледа не ни е целта да победуваме

Зоран Поповски

-

20.11.2018

0

Контроверзниот кошаркар на Кливленд кавалирс, Џеј Ар Смит во свој стил ги разбранува страстите во НБА-лигата со изјава дека целта на неговиот тим по сè изгледа е да не се победува.

Смит го коментираше катастрофалниот ефект на Кливленд од 2-13 на почетокот на сезоната во НБА-лигата, а од клубот најавуваат дека ќе биде „трејдуван“.

„Нема што да се каже за скор од 2-13 во НБА. Изгледа целта не ни е да победуваме“ е изјавата на контроверзниот бек на Кавалирс.

Извори од НБА најавија дека тој сигурно ќе биде разменет во друг клуб и дека за него нема иднина во Кливленд.

Смит е познат по неспортскиот живот и неколкупати беше казнуван додека беше кошаркар на Њујорк никс, но тој продолжи во свој стил.

Стотката на Фенер свети во Истанбул

Зоран Поповски

-

20.11.2018

0

Фенербахче го декласира ривалот од Турција, Дарушафака, со 100:79 и остана во битка за врвот во Евролигата.

Домаќините беа убедливи и лесно победија, а триумфот го најавија веднаш на почетокот на мечот. Поведоа со 25:10 по првите 10 минути и до крајот успеваа да ја задржат предноста и да ја зголемат на плус 21.

Махматоглу со 16 поени беше најефикасен кај Фенербахче, а го следеше Али Мухамед со 15.

Кај Дарушафака, која сега го дели последното место со Макаби, со по една победа и 7 порази се истакнаа Мајк Ерик со 17 и Реј Мекалум со 16 поени. Сите останати имаа помалку од 10 поени, што е една од причинита за тешкиот пораз.

Еден, ама вреден – Грбиќ со еврогол ги однесе австриските таленти на ЕП

Зоран Поповски

-

20.11.2018

0

Адријан Грбиќ постигна прекрасен гол од слободен удар за нова победа на авастриските младинци, кои повторно беа подоби од врсниците од Грција и ќе патуваат на ЕП следната година.

Грбиќ мајсторски го погоди долниот агол на грчкиот гол во 51-вата минута, а интересно е што Австријците не примија гол на двата дуели, односно 180 минути во бараж-двомечот.

На првиот меч во Грција беше идентично, 1-0 за Австрија, селекција која беше во нашата квалификациска група и ќе игра на ЕП во 2019 година во Италија и Сан Марино.

https://twitter.com/oefb1904/status/1064960599258525696

Гордоста на Израел потона во Евролигата

Зоран Поповски

-

20.11.2018

0

Анадолу Ефес лесно го совлада Макаби Тел Авив со 90:77 во меч од осмото коло во Евролигата и го закова на дното гигантот со европски титули.

Гордоста на Израел, како што го нарекуваат Макаби, сезонава игра лошо во елитното натпреварување и има само една победа на 8 меча.

И вечерва кошаркарите од Тел Авив не беа на потребното ниво, ги изгубија сите четири четвртини и на крајот со двоцифрена разлика се поразени од турскиот претставник.

Данстон и Плеис со по 14 поени го предводеа Ефес до сигурна победа и до четвртото место во конкуренција на 16 екипи. Турците сега имаат 6 победи и само два порази.

Кај Макаби, Џони О`Брајант се издвои од сивилото во тимот и со 19 поени беше најефикасен на мечот.