Помошниот судија Умберто Панхох од Гватемала, доживеа топлотен удар за време на натпреварот помеѓу Перу Канада од Копа Америка.
Канаѓаните победија со 1-0, а средбата се одигра во градот Канзас во САД, и тоа на температура од 38 степени целзиусови и влажност од 60 проценти.
Линискиот судија од Гватемала колабираше при крајот на првото полувреме, по што на носила беше изнесен од терен и пренесен во болница на дополнителни тестови.
Тој беше заменет со еквадорски судија и натпреварот продолжи нормално. Нема никакви последици по здравјето на судијата, тој е добар, но предизвика неколкуминутна паника.