Српскиот тенисер Новак Ѓоковиќ го дозна распоредот за претстојниот турнир во Мајами, каде што ќе стартува од второто коло.
Ѓоковиќ во второто коло би можело да игра српско дерби против Хамад Меѓедовиќ доколку тенисерот од Нови Пазар го елиминира Ринки Хаџикату.
Доколку Новак ја оправда улогата на фаворит, во третото коло би играл со Американецот Алекс Микелсен или квалификант, а потоа почнуваат тешките дуели. Во осминафиналето потенцијално би можело да се соочи со Лоренцо Музети, Феликс Оже-Алијасим или Лоренцо Музети.
Во четвртфиналето веројатен ривал му е Даниил Медведев, можеби Стефанос Циципас, потоа би дошло полуфиналето против Карлос Алкарас, ако не, со Каспер Руд, Томи Пол или Григор Димитров. Ако нема изненадувања на другата половина од костурот, во финале ќе игра Александар Зверев, кому главни конкуренти ќе му бидат Тејлор Фриц, Андреј Рубљов и Џек Дрејпер.
Јасно е дека Ѓоковиќ ќе има исклучително тешка работа во Мајами, турнир кој го освоил рекордни шест пати, но не играл таму уште од 2019 година, па со секоја победа би собрал плус поени за рангирањето на АТП-листата, на која сега е петти, и во Мајами ќе биде четврти носител бидејќи го нема лидерот Јаник Синер.
