Легендарниот бразилски фудбалер Пеле, кој за многумина е најдобар фудбалер на сите времиња поради неговите над 1.000 гола и три титули светски шампион, смета дека најдобар фудбалер во денешниот модерен фудбал е Кристијано Роналдо.
„Мислам дека во модерниот фудбал, најдобар е Кристијано Роналдо, тој е најстабилен играч на светот. Секако, не смееме да го заборавиме и Меси. Кој е најдобар во историјата? Тешко прашање. Во Бразил ги имавме Зико, Роналдињо, Роналдо, во Европа играа Кројф и Бекенбауер. Но, мислам дека Пеле е подобар од сите нив. Бидејќи сите нив ги споредуваат со мене“, рече Пеле.
