Легендарниот Пеле кого го нарекуваат Крал на фудбалот, преку Инстаграм испрати порака до Кристијано Роналдо, откако португалската ѕвезда се пресели од Јувентус во Манчестер јунајтед.
„Нема ништо подобро од освојување на светот и враќањето дома. Секогаш биди среќен Кристијано“ – порача Пеле.
Роналдо од 2003 до 2009 беше во Манчестер, па замина во Реал Мадрид, а во 2018 година се пресели во Јуве, за сега после 12 години, да се врати на „Олд Трафорд“. Првиот меч по камбекот кај Црвените ѓаволи, се очекува Роналдо да го има на 11-ти септември против Њукасл.
