Актуелниот македонски првак Струга Трим Лум победи со 3:1 против Пелистер во првиот меч од 26 коло на Прва фудбалска лига на Македонија.
Со оваа победа Струга стигна до 42 бодови зацврстувајќи се на петото место на табелата. Пелистер го претрпе четвртиот пораз во последните шест кола и остана на 29 бодови и ќе остане на седмото место и по завршување на ова коло.
Струга ТЛ која беше фаворит и пред мечот, поведе со голот на Кехинде од пенал во 22 минута. Пелистер возврати на ист начин. Беше досуден пенал за гостите во 30 минута, а сигурен реализатор беше искусниот дефанзивец Александар Ристевски.
Во последната минута од првиот дел се случи клучниот момент на овој меч. Дефанзивецот на гостите Филип Бошковски доби црвен картон и Пелистер остана со играч помалку во цело второ полувреме.
Предноста од фудбалер повеќе, Стуга ТЛ максимално ја искористи. Само што почна второто полувреме, домаќините преку Влајковиќ поведоа со 2:1, а во 75 минута Бунјамин Шабани зголеми на 3:1. Во последните моменти од мечот, Струга постигна и четврти погодок за убедлива победа. Стрелец беше играчот кој го отвори оваа гол-шоу, Кеихинде.
Утре се играат останатите мечеви од ова коло, а се среќаваат: Тиквеш – Шкендија, Воска – Силекс, Шкупи – Работнички, Беса – Гостивар и Брера – Вардар.
