Манчестер јунајтед ќе биде ривалот на Манчестер сити во големото финале на англискиот ФА куп на 3 јуни на „Вембли“. Првпат во историјата ќе има манчестерско дерби во ФА купот.
Јунајтед во денешното полуфинале, после 120 минути игра одигра 0-0 против Брајтон, па решаваа пеналите кој ќе оди во финале. Двата тима ги погодија пеналите во првите шест серии, а во седмата, Соли Марч шутна високо, и по втор пат беше трагичар во пенал рулет, откако утна и во Лига купот кога Морските галеби беа елиминирани.
