Дефанзивецот на Барселона, Жерар Пике се споменува како можен купувач на клубот Реус Депортиво, кој се натпреварува во втората шпанска лига. Неодамна Пике најави дека планира да инвестира пари во фудбалот, а со ова се потврдува дека неговите најави биле сериозни.
Реус Депортиво е во финансиска криза. Клубот има долгови и потребно е да плати пет милиони евра за да избегне административно исфрлање од Сегунда дивисион. Челниците на Реус најавија дека ја разгледуваат опцијата за продавање на клубот, а Пике е еден од можните купувачи.
