Ражон Рондо успеа по 12 години повторно да стаса до шампионскиот прстен во НБА лигата и од ноќеска е само вториот кошаркар што успеал да биде првак и со Бостон селтикс и со Лос Анџелес лејкерс.
Бекот на Езерџиите, беше шампион со Бостон во 2008 година и тоа до ноќеска му беше и единствената титула во НБА лигата.
Лос Анџелес лејкерс во шесттиот меч од финалето против Мајами славеше со 106:93 и со вкупен резултат од 4:2 во победи ја освои круната.
Rajon Rondo drops 19 PTS off the @Lakers bench as they win Game 6 to become champions! #LakeShow pic.twitter.com/eXroF4ElNF
— NBA (@NBA) October 12, 2020
Со тоа Лејкерс се израмнија со Бостон на врвот на вечната листа НБА шампиони со по 17 титули, а Рондо му се приклучи на Клајд Ловелет.
Кошаркар што има една титула со Минеаполис лејкерс, во 1953/54 кога тимот се уште не беше преселен во Лос Анџелес и со Бостон селтикс двапати по ред, во сезоните 1962/63 и 1963/64.
