Поразот на Баерн Минхен против Аугсбург викендов, остави само уште осум клуба на листата на непоразени во Европа оваа сезона во домашните лиги. Еден од тие осум тима е и скопски Вардар.
Освен Вардар, лигашки пораз во сезоната 2025/2026 немаат ни Порто, Бенфика, Славија Прага, Тре Фиори, Фенербахче, Ла Фјорита и КИ Клаксвик на кого одамна му заврши сезоната на Фарски острови, во која до титулата дојде без пораз во 27 меча.
Од друга страна, има македонски прволигаш и на списокот од пет европски тима кои уште немаат победа сезонава. Тоа е Шкупи, кој во пролетниот дел од сезоната ќе се обиде да избегне срам и без победа да ја заврши сезоната во Првата македонска фудбалска лига. Освен Шкупи, за победа не знаат ни АФС од Португалија, Паралимни од Кипар, Арарат од Ерменија и Есперанса од Андора.
