Поранешниот фудбалер на Атлетик Билбао, Хесус Емилио Диес де Миер или познат едноставно како Чучи, е уапсен од шпанската полиција во близина на Кадис при рутинска контрола.
Тој уште во 2015-тата година беше осуден на затворска казна од девет години поради шверц на кокаин од Аргентина во Шпанија, а дури девет години успеваше да ѝ се сокрива на полицијата. Кога бил сопрен се претставил со лажен идентитет, но подоцна е утврдено дека се работи за Чучи.
Неговата криминална група успеала да прошверцува тони кокаин, а според шпанските медиуми соработувал и со други фудбалери, но нивниот идентитет не се открива.
Чучи освен за Атлетик Билбао, настапуваше и за Леида, Херкулес и Елкано.
