Великаните како Коби Брајант треба да се паметат по добро. Тој сакаше да го гледаме како добар човек и врвен спортист, стремеше кон тоа во текот на целата своја кариера. Веќе два дена светот тагува за неговата прерана смрт, особено тешко им е на оние кои лично го познаа од НБА-сцената и имаа можност да делат соблекувална со него.
Ник Јанг и Лу Вилијамс своевремено му беа соиграчи на Коби во Лејкерс, а двајцата раскажаа интересна приказна на „Твитер“ во врска со легендата.
„Тој беше првиот човек што ме посети пред и по операцијата на палецот, на сите им го кажувам тоа. Кога се видовме, му кажав дека ќе ја раскажувам приказната како ми ги фрли патиките во канта и тој се насмеа. Не ми се верува дека тоа беше последниот пат кога разговаравме“, напиша Јанг, на што Вилијамс се надоврза: „Претрпевме дебакл во Портланд. По мечот, на сите играчи кои носевме негови патики ни ги зеде и ни кажа дека сме преголеми слабаци за да ги носиме“.
Lou Will and Nick Young remember Kobe with a classic story. pic.twitter.com/Q2h6cDpI7a
— Bleacher Report (@BleacherReport) January 28, 2020
