Офанзивниот играч од средниот ред, Пабло Торе, пристигна во Барселона во 2022 година од Расинг Сантандер за шест милиони евра. Сепак, за три години во Каталонија собра само 27 настапи, а една сезона мина и како позајмен во Жирона.
Каталонците се одлучија летово да ѝ го продадат на Мајорка за пет милиони евра, а фудбалерот откри која е причина што си замина од Барселона.
„Сакав да играм. Тешко е да ја напуштиш Барса, но кога времето минува и не добиваш шанса, почнуваш да размислуваш за тоа. Никој не сака да си замине од Барса – тоа е тешко. Научив многу таму, беше неверојатно искуство. Не жалам што бев таму, дури и ако не играв редовно. Имаше натпревари во кои водевме и тренерот можеше да ми даде минути за да ги израдува сите, но тој не го направи тоа – од некоја причина“, вели Торе.
