Порто како домаќин во првиот четвртфинален дуел против Челзи во Лигата на шампионите ќе мора на неутрален терен да се надигрува против досега непоразените избраници на Томас Тухел. Во меѓувреме, од УЕФА стигна потврда за преместување на целиот двомеч во Андалузија, во домот на Севијла, „Рамон Санчес Писхуан“.
Змејовите со сигурност посакуваа на „Драгао“ да го вгостат лондонскиот состав, меѓутоа на 7 април двете екипи ќе се сретнат во Шпанија, а потоа на 13 април на истиот стадион Порто и Челзи ќе одлучуваат за пласман во полуфиналето.
Инаку, „Рамон Санчес Писхуан“ е еден од омилените стадиони на Оливие Жиру, кој ги даде сите четири гола во победата на Челзи против Севилја од 4-0 во групната фаза претходно сезонава, па Французинот ќе биде дополнително мотивиран по оваа промена.
🏟️ The #UCL quarter-final first and second legs between @FCPorto and @ChelseaFC will both now be played in Seville, Spain.
📰 In the #UWCL, @OLfeminin v @PSG_Feminines, scheduled for 31 March, has been postponed.
— UEFA (@UEFA) March 30, 2021
Челзи поради исти причини играше на неутрален терен и во осминафиналето против Атлетико Мадрид, додека реваншот се одржа на „Стемфорд бриџ“.