Натпреварот од Конференциската лига помеѓу Риека и Спарта Прага беше прекинат во 14-та минута, поради силното невреме и поплавениот терен, но после долга пауза и натегање, одлучено е сепак средбата да продолжи вечерва во 21 часот.
Чесите не сакаа да се игра вечерва, се појави опција да продолжат утре од 15 часот, но сепак е решено дека треба да се игра вечерва, ако условите дозволат.
Дождот престана, теренот се поправаше, а судијата Роберт Џонс проверуваше неколку пати каква е состојбата на тревникот и процени дека има минимум услови за регуларно одвивање, па екипите пак ќе истрчаат на терен во 21 часот.
