Повредата која ја заработи Трент Александер-Арнолд на дуелот против Арсенал во ФА купот и не е така наивна. Проблем е коленото на фудбалерот и тој ќе мора неколку седмици да биде надвор од терените. Оваа информација за медиумите од Островот ја потврди помошникот на Јирген Клоп.
Александер-Арнолд оваа сезона за Ливерпул одигра 25 натпревари во сите конкуренции, даде два гола и запиша девет асистенции.
Ова е нов удар за Ливерпул кој има големи проблеми со повредите, но и со фудбалерите кои ќе настапат на првенствата на Африка и на Азија.
Јирген Клоп во следниот период нема да може да смета на Ван Дијк, Матип, Робертсон, Цимикас, Бајчетиќ, Собослаи, Тијаго, Ендо, Салах и Доак.
