Дидие Дешамп само за три минути се договорил со раководството на француската фудбалска репрезентација да остане предводник на Триколорите до 2023 година, што значи дека тој ќе биде селектор на Галските петли и на Мундијалот во Катар во ноември и декември 2022, кога ќе ја бранат титулата од 2018 година.
Ова значи дека дефинитивно паѓаат во вода сите шпекулации дека Дешамп ќе си замине, а на негово место ќе дојде Зинедин Зидан. Популарниот Зизу има желба да биде селектор на Франција, но ќе мора да почека најмалку уште една и пол година.
Франција прерано испадна на ЕВРО 2020, очекувањата им беа да стигнат далеку, но овој кикс не беше доволна причина за разделба со Дешамп.
