Селекциите на Брегот на Слонова Коска и Египет попладнево од 17 часот ќе се борат за место во четвртфиналето на Африканскиот куп на нациите, каде што за противник ги чека Мароко.
Големата ѕвезда на Фараоните, Мохамед Салах, смета дека ако со националниот тим ја освои титулата првак на Африка, тоа би му било најголем успех во кариерата. Египет со седум титули е најуспешна земја на Афкон, но последен пат триумфираше во 2010 година.
„Ќе мора да дадеме максимум ако сакаме победа вечерва. Би сакал да го освојам Африканскиот куп на нациите со мојата репрезентација. Трофејот би бил нешто посебно, најдраг во мојата кариера. Египет е мојата земја, низ моите вени тече египетска крв“, изјави Салах.
