Новата видеоснимка што е објавена на социјалните мрежи фрла нова сенка на контроверзниот случај со прекинатиот меч меѓу Пари Сен Жермен и Башакшехир, кој беше преигран денеска и заврши со победа на францускиот првак од 5:1.
Вчера, откако четвртиот судија од Романија го навреди Пјер Вебо, сега има нов момент, а и Турците кои ја повлекоа екипата и не сакаа да играат не биле толку наивни.
На видеоснимката се слуша како некој од таборот на Башакшехир дофрла дека Романците се цигани во неговата земја, а според сомневањата, се работи за стоперот Мехмет Топал.
BREAKING: Voice from the back "In my country, Romanians are gypsy!" No comment.
Initially, I thought it was Topal saying it, judging by lip-reading. I have no certainty on the identity of the one who said it, so I won't advance any name. pic.twitter.com/cPauQ0lM4t— Emanuel Roşu (@Emishor) December 9, 2020
Токму тој беше стрелец на почесниот погодок за Башакшехир денеска во доиграниот меч што заврши со убедлива победа на ПСЖ од 5:1.
Четвртиот судија Колтеску објаснуваше дека не сакал да го навреди Пјер Вебо, но Романците беа сменети и денеска во Париз судеше холандска четворка, а главен арбитер беше Макели.
