На социјалните мрежи се појави фотографија од загрижениот израз на лицето на Џани Инфантино додека Интер Мајами губи од Атланта јунајтед во првото коло на плејофот во МЛС-лигата.
Сликата стана хит затоа што на Инфантино му се лепи етикета дека Лионел Меси му е омилен играч кој го форсира, па сега е тажен што неговиот миленик претрпе пораз.
Хејтерите на Меси би рекле дека Инфантино „со сила“ ја направи Аргентина светски првак поради многуте пенали на Мундијалот во Катар, а потоа и наместо да почека да види кој ќе биде првак на МЛС-лигата и тој тим да игра на Светско клупско првенство, на Светското го стави Интер на Меси како најдобар тим во лигашкиот дел од сезоната.
