Еден обложувач кој во петокот вечерта уплатил тикет во објект на Sport Life во Македонски Брод влогот од 70 денари го претвори во одлична бруто-добивка од 102.869 денари.
Овој „класичар“ од Брод на тикетот наредил 14 пара и кај сите играл на конечен тип. За негова среќа, резултатите му одеа во прилог и тикетот е добитен.
На тикетот играни се кецови и двојки на фудбалски мечеви од повеќе лиги низ Европа. Има мечеви од петок, сабота и недела. Може да се каже дека најкритичен меч му бил саботниот помеѓу Челзи и Вест хем, каде што се чекаше победа на домашните, а гостите поведоа со 1-0 во текот на второто полувреме. Сепак, голот на Кај Хаверц во 88-мата минута го остави тикетот во игра до недела, а неделните средби минаа „како подмачкани“.
БРОЈОТ 1 И БУКВИТЕ ГГ ИЗРАДУВАА ВАЛАНДОВЧАНЕЦ
Во Sport Life во Валандово, со 150 денари уплата има добитен тикет кој носи бруто 73.108 денари. На тикетот има пет фудбалски натпревари и кај сите играта е иста: 1 & ГГ.
Играни се саботни натпревари од англиските лиги и, за среќа за овој валандовчанец, на сите пет дуели победуваа домашните екипи, иако тие примаа и гол.
