Пари Сен Жермен го информирал Нејмар дека не сметаат на него за следната сезона и дека планираат да го продадат или да го позајмат.
Нејмар има годишна плата од околу 50 милиони евра и парижаните се свесни дека неговите примања се огромна пречка во преговорите со заинтересираните страни. Дури и ако се согласат да го позајмат, клубот кој би го зел Нејмар би требало да плати околу една половина од платата, што е 20-25 милиони евра.
Се шпекулира дека само неколку англиски клубови се способни и желни да платат толку за да го имаат Бразилецот една сезона во своите редови.
Нејмар има договор со ПСЖ до 2026 година, но често се повредува, тука е и непрофесионалниот начин на живот, дури и пријателот Лионел Меси се дистанцира од него.
