Пари Сен Жермен со гостинска победа од 3-2 над Монако, значително се доближи до осминафиналето во Лигата на шампионите.
Актуелниот европски првак беше на маки, губеше 0-2, Витиња утна пенал, но работите се сменија кога во средина на првото полувреме на местото на Усман Дембеле (веројатно поради повреда) влезе Дезире Дуе. Дуе даде два гола (првиот и третиот) и беше човек на пресврт.
Задачата на ПСЖ беше олеснета откако израмнија на 2-2 во финишот на првиот дел, а Монако остана со човек помалку на стартот на второто полувреме.
