Репрезентациите на САД и Бразил одиграа нерешено, 1-1, во подготвителен меч пред почетокот на Копа Америка. Првенството на Северна и Јужна Америка започнува на 21 месецов и ќе се одржи токму во САД, еден од домаќините и на следното Светско првенство.
Бразил иако беше многу подобар противник, имаше повеќе од играта и шансите на своја страна, сепак на крајот не успеа да победи. Кариоките дојдоа во водство преку Родриго во 17-тата минута, но САД израмни во 26-тата минута преку Кристијан Пулишиќ.
Фудбалерот на САД со одличен погодок директно од слооден удар ја израдува побликата во Орландо, додека бразилскиот „жив ѕид“ заспа и му дозволи на фудбалерот на Милан да го совлада Алисон.
