Фудбалерите на Барселона веќе традиционално пред секој натпревар се собираат во хотел и таму се дружат и психички се подготвуваат се мечевите. Таков беше случајот и пред мечот со Бенфика, но навивачите кои беа присутни да ги поздрават, но и телевизиските камери, забележаа дека од автобусот не излезе најдобриот фудбалер на Каталонците оваа сезона, Рафиња.
Тоа веднаш предизвика паника помеѓу навивачите, кои ова го протолкуваа дека Рафиња нема да игра против Бенфика. Сепак, мистеријата беше набрзо решена, па пристигна информацијата дека Рафиња ќе игра против Бенфика, а не бил во автобусот кој пристигна во хотелот бидејќи добил дозвола од Ханси Флик да заврши неодложни приватни работи.
