Агентот на Ерлинг Халанд, италијанскиот менаџер Мино Рајола, вчера даде интервју во кое тврдеше дека четири клуба се можни опции како идни клубови на Норвежанецот, но од два од тие четири клуба, негираа уште истиот ден.
Според Рајола, Халанд по напуштањето на Борусија Дортмунд ќе оди во Баерн, Реал Мадрид, Барселона или Манчестер сити. Интересно е што кога ја спомна Барса, тој имаше гест со раката како да сакаше да каже дека шансите се „така-така“ или „можеби“.
Барселона го сака Халанд, но прашање е дали финансиски може да си дозволи такво скапо засилување за следната сезона. Од Баерн и Сити, кажаа дека имаат други планови, а од Реал официјалните лица молчат на оваа тема. Приоритет на Баварците е да го задржат Роберт Левандовски, додека Пеп Гвардиола не сакаше ни да зборува на темата Халанд.
