Доколку летово не го продолжи договорот со Реал Мадрид, престојот на дефанзивецот Серхио Рамос во Кралскиот клуб во кој дојде од Севилја во 2005 година е завршен. Рамос има мускулна повреда на левата нога, поради која сезонава му е завршена, па можно е дуелот со Челзи на кој Рамос играше недоволно подготвен, да му биде последен во дресот на Реал.
Рамос стана легенда на Реал, во последните сезони беше и капитен, но сезонава и тој се мачи со повреди, во 2021 година играше на само пет меча и можно е дојде до разделба со него. Доколку Рамос не ја продолжи соработката со Реал, а преговорите се проблематични, тогаш тој ќе има не баш посакуван крај на престојот во клубот.
Повредата не му е тешка, па би требало тој да биде подготвен за стартот на Европското првенство, но бидејќи лигата завршува на 23-ти мај, тој веќе нема да го облече дресот на Реал, барем не сезонава.