Манчестер јунајтед е пред елиминација во Лигата на шампионите откако синоќа одигра само 3:3 на гости кај Галатасарај. Англискиот тим водеше со 2:0 и 3:1, но на крајот мораше да се задоволи само со еден освоен бод.
Голманот Андре Онана е главниот виновник што Манчестер прими три гола и сите беа со шутеви од 20-тина метри. Два погодока даде Хаким Зијех од слободни удари, а и за двата виновник е Онана.
Веднаш по завршување на средбата, голманот на Манчестер јунајтед беше снимен како осамен седи на теренот и се нервира поради очајните одбрани.
И легендите на клубот се јавија со реакција по овој меч со Галатасарај.
„Голема штета затоа што претходната недела бранеше многу добро. Едноставно, во Лигата на шампиони е напатен. Веројатно му недостасува концентрација во вакви мечеви. Противниците веќе имаат повеќе самодоверба да шутираат бидејќи делува дека по секој шут може да прими гол“, рече Пол Сколс.
André Onana at full time. Heartbreaking stuff. He looks so lonely. 🥺 pic.twitter.com/3EK4BXqXlj
— Football Tweet ⚽ (@Football__Tweet) November 29, 2023
