Реал Мадрид вечерва на дуелот со Мајорка од полуфиналето на шпанскиот Суперкуп, нема да смета на услугите на легендата Лука Модриќ. Веста е изненадување бидејќи Хрватот вчера тренираше со тимот.
Највозрасниот играч на Реал кој даде два гола на двата меча во 2025 година, има вирусна инфекција, и не е во составот на Кралевите. Доколку Реал победи, Модриќ би требало да игра во финалето против Барселона кое е закажано за в недела вечер.
Модриќ немаше да биде стартер против Мајорка, но тој е прва резерва на Карло Анчелоти и речиси редовно влегува во игра во вторите полувремиња за да даде стабилност во играта.
