Само уште осум екипи останаа во трка за најпрестижниот клупски трофеј во Европа, тој во Лига на шампиони. Во четвртфиналето се пласираа елитни клубови од Топ 5 лигите кои или биле европски прваци или играле во големото финале. По два преставници имаат Англија, Шпанија и Германија, а еден тим имаат Франција и Италија.
Интересни се четвртфиналните пресметки, а два меча се посебно во фокусот. Баерн Минхен и Интер ќе играат меѓусебе, а тоа се клубовите кои играа во финалето од ЛШ во 2010 година.
Второто супер дерби е меѓу Реал Мадрид и Арсенал. Овие два тима последен пат играа во 2006 година. Тогаш во осминафиналето, Арсенал победи дома со 1:0, а на гости во Мадрид одигра без голови и Топчиите се пласираа во следната фаза. Таа сезона Арсенал играше и во финалето на ЛШ, но загуби од Барселона.
Интересно е дека и оваа сезона победникот од двомечот меѓу Реал и Арсенал, против Барселона може да се сретнат евентуално само во финалето на ЛШ.
Барселона во четвртфиналето сега ќе игра против Борусија Дортмунд, а последното четвртфинале е меѓу ПСЖ и Астон вила.
ЧЕТВРТФИНАЛЕ – ПРВИ МЕЧЕВИ
8 АПРИЛ
Аресенал – Реал Мадрид
Интер – Баерн Минхен
9 АПРИЛ
ПСЖ – Астон Вила
Барселона – Дортмунд
ЧЕТВРТФИНАЛЕ – РЕВАНШИ
15 АПРИЛ
Астон Вила – ПСЖ
Дортмунд – Барселона
16 АПРИЛ
Реал Мадрид – Арсенал
Баерн Минхен – Интер
*Сите натпревари се играат од 21 часот
