По четири и пол години поминати во дресот на Динамо Загреб, Стефан Ристовски од денеска и официјално повеќе не е член на хрватскиот гигант. Најтрофејниот хрватски клуб преку социјалните мрежи му се заблагодари на популарниот Риле, како што тие милуваа нагалено да го нарекуваат Стефан.
„По четири и пол години, искусниот дефанзивец Стефан Ристовски ја заврши својата кариера во Динамо. 🦁 Тој се приклучи на синиот клуб на почетокот на февруари 2021 година и оттогаш освои осум трофеи: четири шампионски титули, два Купа на победниците на куповите и два Суперкупа. 🏆
Во Динамо одигра 185 официјални натпревари со седум гола и 21 асистенција. Ако ги додадеме и пријателските натпревари, бројката се искачува на 206 настапи. 👏🏻Навивачите на Динамо го прегрнаа во неговите рани денови, првенствено поради неговата огромна енергија, посветеност и страст. Тој секогаш гордо го носеше дресот на Динамо на теренот и на крајот стана еден од ко-капитените на тимот. 💪🏻
Целиот тим на ГНК Динамо му се заблагодарува на Стефан за сè што даде за нашиот клуб и му посакува среќа и успех во остатокот од неговата кариера“, стои во објавата на Динамо Загреб.
Nakon četiri i pol godine iskusni branič Stefan Ristovski zaključio je svoju karijeru u Dinamu. 🦁
Plavom klubu priključio se početkom veljače 2021. godine i u međuvremenu osvojio osam trofeja: četiri naslova prvaka, dva pokala pobjednika Kupa i dva Superkupa. 🏆
U Dinamu je… pic.twitter.com/ZtJ7U4UpFU
— GNK Dinamo (@gnkdinamo) June 13, 2025
За Ристовски има посветено и специјално видео кое може да го видите ТУКА.
