Кристијано Роналдо наводно дал зелено светло да се ангажира Иван Ракитиќ од Барселона и тоа во следниот преоден рок кој ќе стапи на сила во првиот ден од 2020 година. Како што извесуваат италијанските медиуми, Јувентус ќе се обиде да му ја исполни желбата на Португалецот, а наводно веќе е подготвена првата понуда од 40 милиони евра плус 10 милиони евра во бонуси.
Хрватот иако во изминативе сезони е клучен играч на Каталонците, бројните шпекулации кои кружеа во текот на летото му го загрозија местото во стартниот состав кај Валверде. Ракитиќ беше вклучен и во неколку понуди во пакет за Нејмар, но неговите претставници отфрлија секаква преселба во Париз.
Покрај понудата 40+10, постои и опција Јуве да го вклучи и Емре Џан во понудата, фудбалерот кој изрази незадоволство откако Маурисио Сари го изостави од составот за претстојната сезона во Лигата на шампионите.
